رؤیت ہلال , Chand Dekhne ke Tariqe

 ثبوتِ رؤیت ِ ہلال کے لیے شرع میں سات٧طریقے ہیں :

طریقِ اوّل: خود شہادتِ رؤیت یعنی چاند دیکھنے والے کی گواہی، ہلال رمضان مبارك کے لیے ایك ہی مسلمان عاقل،بالغ، غیر فاسق کا مجرد بیان کافی ہے کہ میں نے اس رمضان شریف کا ہلال فلاں دن کی شام کو دیکھا اگر چہ کنیز ہو اگر چہمستور الحال ہو، جس کی عدالت باطنی معلوم نہیں، ظاہر حال پابندِ شرع ہے اگر چہ اس کا یہ بیان مجلسِ قضاء میں نہ ہو،اگر چہ گواہی دیتا ہُوں نہ کہے، نہ دیکھنے کی کیفیت بیان کرے کہ کہاں سے دیکھا کدھر کو تھا کتنا اونچا تھا وغیر ذٰلک۔ یہ اسصورت میں ہے کہ ٢٩ شعبان کو مطلع صاف نہ ہو، چاند کی جگہ ابر یا غبار ہو، اور بحال صفائی مطلع اگر ویسا ایك شخصجنگل سے آیا یا بلند مکان پر تھا تو بھی ایك ہی کا بیان کافی ہوجائے گا، ورنہ دیکھیں گے کہ وہاں کے مسلمان چاند دیکھنےمیں کوشش رکھتے ہیں، بکثرت لوگ متوجہ ہوتے ہیں یا کاہل ہیں دیکھنے کی پروا نہیں، بے پروائی کی صورت میں کم سے کمدودرکار ہوں گے اگر چہ مستور الحال ہوں، ورنہ ایك جماعتِ عظیم چاہئے کہ اپنی آنکھ سے چاند دیکھنا بیان کرے جسکے بیان سے خوب غلبہ ظن حاصل ہوجائے کہ ضرور چاند ہُوا اگر چہ غلام یا کھلے فساق ہوں،اور اگر کثرت حدِ تواتر کو پہنچجائے کہ عقل اتنے شخصوں کا غلط خبر پر اتفاق محال جانے توایسی خبر مسلم وکافر سب کی مقبول ہے۔باقی گیارہ ہلالوںکے واسطے مطلقًا ہر حال میں ضرور ہے کہ دو٢مرد عادل یا ایك مرد دو٢ عورتیں عادل آزاد جن کا ظاہری و باطنی حال تحقیقہو کہ پابند شرع ہیں، قاضی شرع کے حضور لفظ اشھد گواہی دیں یعنی میں گواہی دیتا ہوں کہ میں نے اس مہینے کا ہلال فلاندن کی شام کو دیکھا اور جہاں قاضی شرع نہ ہو تو مفتی اسلام اُس کا قائم مقام ہے جبکہ تمام اہلِ شہر سے علمِ فقہ میں زائدہو اُس کے حضور گواہی دیں اور اگر کہیں قاضی و مفتی کوئی نہ ہوتو مجبوری کو اور مسلمانوں کے سامنے ایسے عادل دو٢مردیا ایك مرد دو٢ عورتوں کا بیان بے لفظ اشھد بھی کافی سمجھاجائے گا، ان گیارہ ہلالوں میں ہمیشہ یہی حکم ہے مگر عیدین میںاگر مطلع صاف ہو اور مسلمان رؤیتِ ہلال میں کاہلی نہ کرتے ہوں اور وہ دو٢ گواہ جنگل یا بلندی سے نہ آئے ہوں تواس صورت میں وہی جماعتِ عظیم درکار ہے، اسی طرح جہاں اور کسی چاند مثلًا ہلالِ محرم کا عام مسلمان پُورا اہتمامکرتے ہوں تو بحالتِ صفائی مطلع جبکہ شاہدین جنگل یا بلندی سے نہ آئیں تو ظاہرًاجماعت عظیم ہی چاہئے کہ جس وجہ سےاُس کا ایجاب رمضان و عیدین میں کیا گیا تھا یہاں بھی حاصل ہے۔